Herremenie de Pottemennekes is 'n Zaate Herremenie die in t jaor 1977 is opgeriech in de wiek Potteberg. De femilies Frantzen en Van Mulekom goeijde zich toendertied biejein en mèt heij en daor nog get aonhaangk woorte de Pottemennekes opgeriech. 't Drumstèl vaan de Sjeele woordt oeterein gesjrowf um aon instuminte te kaome en heij en daor waore 'n aontal luij die vaan nòmmerkes get leedsjes kòste speule. Heij onder vind geer un aontal prinsjes oet deze tied: 

Es geer op 't rechterprinsje klik, kint geer nog iemes herkinne dee op dit moment nog steeds lid is. Heer heet allein zien trompöt ingeruild veur un bas... Eind jaore 80 kaom de volgende generatie pottemennekes. De meziek woort get beter en 't aontal lede greujde gestaag. Hoegtepunt oet deze tied waor 't jaorlijks Karrosseer consèr in (natuurlijk) kaffee de Karrosseer. De kaffee (heit noe de Clinique) leep daan al vreug vol mèt luij die naor us consèr kaome luustere. Dit stoond altied garant veur väöl meziek, beer, en ouch wel get zweinereij. De Pottemennekes deege euveriges in deen tied noets met aon ut hermeniekes konkoer boedoor sommige luij ziech aofvrooge of veer nog wel bestoonte. Ouch oet deze tied höbbe veer nog 'n prinsje gevoonde.

Ouch heij kint geer inkele lede vaan noe trök vinde. Lèt veural op d'n Dene mèt zwarte lippestif (twiede vaan links).Euveriges höbbe veer in 1983 ouch mèt gedoon aon un LP opname vaan versjèllende Mestreechter zaate herremeniekes. De "Pottepotpourrie" höbbe veer toen opgenome en is heij te beluustere.
Heijnao kaom un deeptepunt in de historie. De femilie Frantzen en van Mulekom sjeijde demèt oet en d'r bleeve nog mèr un aontal luij euver. D'r woort getwiefeld of veer neet oet mooste sjeije. Zelvers advertenties in de Maaspost höbbe veer gezat um toch mèr get luij biejein te sjravele. Ondaanks dat waors 't wel unne hiele gezellige tied. Eind jaore 90 kraoge veer daan toch weer unne nuije impuls door 'n aontal luij vaan de Verkennersband die naor us getransfereerd zien. Sinds deen tied zien veer bistje beij bitsje weer oet t dal gekroope. Oetstepkes naor Duitsland en Belsj oonderstriepte dit. De 10 jaor heijnao zien eigelijk snel veurbeij gegaange. Dit kaom veural umtot t erg good ging mèt de herremenie. Heij en daor kaome nog get luij debeij en de muzikaal kwaliteit ging ouch umhoeg. Memorabel zien nog altied de optreijes in Jalhay (in de Belsje Ardenne) en de Reiskes naor de wienstreek in Duitsland. De lèste paar jaor kinne de luij in Mestreech us hoegswaarsjeinlijk vaan de herremenie in de witte uniforme die veer mèt prins oetrope en vastelaovendsdinsdag aondoen.
Door 't jaor heen speule veer neet zoe väöl mèr zoe gaw t preuvenemint is begòs en veer us ierste optreije vaan t seizoen beij de struys höbbe gehad, begint t vastelaovendsgeveul weer langzaam op te kaome. Dit is veur us (zoe es veur eder aander zaate herremenie) toch t jaorlijks hoegetepunt boe veer allemoal naortow leeve.
Veer hoope uuch daan ouch unne kier tege te kaome mèt de vastelaovend (of daorboete)!

Kompliminte De Pottemennekes